افتح يارب عيون شعبك

يشوفك إنت ويسمع لك

تغفر خطاياه ويرجع لك

وع الخطايا يدوس

وإن كان في وسطينا حرام

وقدام عدونا انهزام

اكشف لنا فين هو عخان

واحفظنا م اللصوص

يا عالي يا قدوس

يا خالق النفوس

شعبك هنا واقف أمامك

جايين بهيبة قدام جلالك

يا عالي يا قدوس

بالدم شعبك اتقدس

عمل صليبك يا مخلص

وإحنا جينالك نتخصص

شعب المسيح مفروز

وعشان كلامك إنت الحق

وغير كلامك ماهوش حق

هانرفضه ونقول له لأ

وبالوصايا نلوذ

جايين غرضنا تشكلنا

دا إحنا عملك يا جابلنا

إناء كرامة هاتعملنا

بروحك القدوس

ونعيش عشان نخدم شخصك

مجد وكرامة تكون لاسمك

شباب كتير يتكرس لك

ويصير معاك محظوظ

بيوت عبيدك تحفظها

تمد إيدك وتصونها

صوت الترنم يغمرها

تيجي بحضور ملموس

مافيش مثيلك يا غالب

تصنع لشعبك عجايب

وتحفظه في التجارب

وإبليس يعود مفروس

فضينا منها أيادينا

لا تخصنا ولا هيش لينا

بالتقوى وقداسة السيرة

ماهيش غنى وفلوس

ولا إحنا هانكلبش فيها

وطأة قدم بنعديها

لكن قلوبنا ماتبغيها

عابرين بعزم ندوس