إنت اللحن اللي باغنيه
(لحن الألحان اسمك يا يسوع)
المؤلفون
(فنان)
(نص)
(موسيقى)
الوسوم
التسبيح - الهتاف
العبادة والسجود
التعزية الروحية
إنت اللحن اللي باغنيه
العدد 1
(انت اللحن اللي باغنيه
هايم في كلامه ومعانيه
نبضه في قلبي وعايش بيه
هافضل عمري الجاي أحكيه)2
(انت غُنايَ وسر غِنايَ
والتسبيح اللي أهتف بيه
شهــوة قلــــبي وقلب ســـمايا
لذة عمري وعمري ده فيه )2
القرار
لحن الألحان.. اسمك يا يسوع
نغم الأنغام.. حبك يا يسوع
لحن الألحان.. اسمك يا يسوع
نغم الأنغام.. حبك يا يسوع
العدد 2
(رحلة حُبه تاخدني إليه
وفي ترحالي شاخص ليه
عطش الروح بينادي عليه
ساكن فيَّ وساكن فيه)2
(أنسى مكاني وأنسى زماني
وأنسى الكل وأفكر فيه
واسمع صوته بيمــلا كياني
ده اللحن اللي أنا عايش ليه )2
1×