عـايش حـزين ووحيد

مـن بعـد مـاسبـت أبويـا

وسافرت بعـيد بعـيد

ودَّعت البيت يا إخواتـــــي

وأخدت أنا كل حاجاتــــــي

وهـناك ضيَّعت فلوسي

أصبحت في فقر شديد

وهناك بدأت أحتاج

تعبان مش لاقي علاج

أصحابي في جوعي سابوني

ومع الخنازير تركوني

من بعد العز في بيتنا

أصبحت حزين ووحيد

وفي لحظة قلت في بالي

أنا ليه مارجعش لبابا

أبكي له أعلن ندمي

وأكيد يسامحني أكيد

(مش قادر أبعد عنك

رجِّعني تاني لحضنك)2

محتاج أقرب منك

محتاج لقـلب جديد

ورجعت بسـرعة لـبـيـتـنا

وعـيونـي ملـيـانـة دمـوع

مكسـوف من نفسي ونادم

آسف وكلي خضوع

في طريقي لبيتنا لمحته

واقف مستني رجوعي

ملهوف مشتاق متألم

لضياعي وبعدي وجوعي

لمحني بكى بحرارة

ودموعه سالت بغزارة

بمحبة وقوة مسكني

وفي حضنه الدافي أخدني

ودموعه الغالية بتنطق

الليلة دي أجمل عيد

الليلة دي أجمل عيد