شلت عينيا من على الناس

(ألف حبيب)

المؤلفون

سعيد رمضان (المرنم)
اميل يوسف (المؤلف)
سامح عبيد (الملحن)

المواضيع

الصليب والفداء رحمة الله غفران الله الاتكال و الثقة المحبة لله

آيات من الكتاب المقدس

شلت عينيا من على الناس

العدد 1

شلت عينيا من ع الناس

عينيا خلاص حاططها عليك

إنت لوحدك بالنســبة لي

بحب الدنيا وهاشبع بيك

إنت حبيب بألف حبيب

بموت وصليب إنت يسوع

إنت اللي بسببه بقيـــت غالي

وانت الفارق ف الموضوع

أنا جربت ادخل أحضان

بترحب بيّ ف أفراحي

وبترفضني ف عز جراحي

جربت الحب اللي بيخلص

والحب أبو طلبات وشروط

جربت ومالقيتش مكان

يقبلني بضعفي وبعيوبي

ويساعني بغلطي وبذنوبي

صبر الناس كان دايماً ينقص

ويقــل لــغــاية مايــموت

العدد 2

شلت عينيا من ع الناس

عشان الناس حبال بتدوب

وحيطان بتميل باللــي عليها

وعيون واقفة تنقي عيوب

وانت عينينك ماجرحتنيش

مارفضتنيش وانا غلطان

عندك رحمة انا متشاف بيها

أستاهــل ستر وغفران

شكراً علشان مارمتنيش

وعينيك الحلوين يا حبيبي

ياما قبلوني وانا على عيبي

باتساب م الناس بتغليني

وبتمــسكني ومش بتسيب

حبك كافي لقلبي يعيش

لو حتى ماحدش ف حياتي

إنت القيمة اللي في حكايات

واقولك تــاني انت ف عيني

بكل الــناس وبــألف حبيب

1×