راجعين بنصلي

المؤلفون

سمير سامي (الملحن)

المواضيع

الصليب والفداء التوبة والاعتراف الصلاة محبة الآب نصرة - غلبة - حرية غفران الله الرجوع إلى الرب

راجعين بنصلي

العدد 1

ياما عِشنا كتير رافضينَك

بِكَلامنا وبِالأفعال

وبرغم انِّنا هِنا بنهينَك

حَبِّيتنا بِطولِة بال

ياللِّي عَشانَّنا

جيت مَخصـــــوص

بكُل مَحَبة وبإخـــلاء

ياللِّي صَليبَك يا قُدُّوس

كان لِنا خَلاص وفِداء

القرار

(راجعين بِنصَلِّي سامِحنا

تايبين عَن كُل ماضـــينا

عَرَّفنا بيك وصالِحنا

مِدّ إيديك خُد بِإيديـــنا)2

مِدّ إيديك خُد بِإيديــــنا

العدد 2

احلَوّ العالَم في عينينا

واختارنا إنِّنا نِعاديك

واتمَنِّينا كتير شَهَواتُه

مابقاش همنا نِرضيك

تَوبنا تُهنا وضَلِّينا

لَكِن راجعين لَك بِإيمان

نِلقاك واقِف مِستَنِّينا

فاتِح لينا الأحضان

العدد 3

شَدِّنا إبليس وخَدَعنا

لِخَطايانا بَقينا عَبيد

والعالَم دَه بحُبُّه بَلعنا

بقيود عَمَّالَة بِتزيد

بَس صَليبَك لينا كفايَة

بيه غَلَبت عَدوي ودُستُه

حَطِّيت إنتَ لشَرُّه نهايَة

وابليس جَرَّدت رياستُه

العدد 4

عَطشانين يا إلَهنا لميَّه

مِش عايزين نُحفُر في أبار

آدي قُلوبنا زَيّ ما هيَّ

فاضيَة وناشفَة بِاستِمرار

اسكُن وارتاح جوَّة قُلوبنا

وبحياتَك فيض جوّانا

رِّبي انهِضنا قَوام مِن موتنا

اروي عَطَشنا واملانا

1×