قلت عليك أن أنت ناسيني

المؤلفون

روماني سليمان (المرنم)
صموئيل فاروق (المرنم)
رأفت رضا (المؤلف)
رأفت رضا (الملحن)

المواضيع

الشكر الإيمان الصلاة دم المسيح اهتمام الله التجسد صلاح الله

آيات من الكتاب المقدس

قلت عليك أن أنت ناسيني

العدد 1

قلت عليك إن أنت ناسيني

ولا بتدافع ولا تحميني

ولا بيهمك إيه يفرحني

ولا بيهمك إيه يبكيني

لقيتك راسم صورة

لخطة ماهيش محصورة

في ضعفي وجهلي

وفكري البشري

وقدراتي المحدودة

ولقيتك أب في وقت الحاجة

تجري تمد الإيد

ونبص بنظرتنا المحدودة

وأنت تشوف لبعيد

العدد 2

قلت الناس مساكين وغلابة

وأنت بعيد والدنيا دي غابة

والإيمان والصورة الحلوة

لرعايتك شعارات كدابة

لقيت قلبك مليان إحساس

وبتتألم لآلام الناس

وعايش في همومنا ومشاكلنا

وفي قلب الأحداث

ولقيتك لما الجوع بيشد

تبعت خبزي مع الطير

أتذمر وأنت تكون بتعد

وترتب لي الخير

العدد 3

قلت عليك ما بتسمعنيش

أنده ياما عليك ما تجيش

قلت إن أنت خلقت الناس

وسايبنا نعيش زي ما بنعيش

لقيت في الشك غباء وسذاجة

ساعات أحلامنا تكون محتاجة

الشكر مع الإيمان والصبر

ودموع الصلاة بلجاجة

ولقيت الصلاة والصبر معاك

مجهود مش بيضيع

واللي يجيلك عشمان يلقاك

رب بصير وسميع

العدد 4

قلت إن أنت بعيد في سماك

وعينيا ما هياش شايفاك

وأعمل إيه علشان أوصلك

وأعمل إيه علشان ألقاك

لقيتك جيت في صورة إنسان

وعشت في نفس ظروفي كمان

واتقال عنك رجل الأوجاع

ومختبر الأحزان

سامحني بدم بصليبك آسف

أسأت الفهم في يوم

وفي ثورة غضبي وقلبي الخايف

وجهتلك لوم

1×