قاعد على شط الحياة

المؤلفون

ايفا رياض (المؤلف)
بهجت عدلي (الملحن)

المواضيع

الفرح الصليب والفداء الثقة والثبات في الرب محبة الآب السلام الشهادة والكرازة الضمان

قاعد على شط الحياة

العدد 1

قاعد على شط الحياة

وانا مش هاخاف من غدرها

ضامن أماني والنجاة

وضماني جاي من ربها

بتمر علي الأيام

الشمس بتشرق وتغيب

مش خايف علشان في سلام

ما دام إيدي مش هاتسيب

ما دام إيدي مش هاتسيب

القرار

أنا هافضل متمسك بيك

عايز أكون دايماً بارضيك

عايز أكون دايماً بارضيك

العدد 2

من فوق كتاف ربي الحبيب

شايف أنا لج المياه

مليان بناس في صراع رهيب

ولا داقوا يوم حب الإله

خايف من غدر الزمان

والخوف بيملا الكيان

عايشين أوهام الشيطان

ومش حاسين بالأمان

ومش حاسين بالأمــان

العدد 3

عيني قوام زرفت دموع

والقلب داب في حبهم

كلمتهم أنا عن يسوع

وازاي دا مات من أجلهم

مين غيره يملا الحياة

سلام وفرحة وضمان

دا هو فلك النجاة

جواه بنلقى الأمان

جواه بنلقى الأمـــان

1×