الفراغ ماليني

المؤلفون

بهجت عدلي (المرنم)
بهجت عدلي (المؤلف)
بهجت عدلي (الملحن)

المواضيع

الصليب والفداء محبة الآب وعود الرب البعد عن الرب

الفراغ ماليني

العدد 1

الفراغ ماليني ربي

وباشتكي الدنيا والوم

واللي فيه بانام وباصحى

هو هو كل يوم

فين حياتي وليه باعيشها

دا سؤال محتاج جواب

حيرة مالية فكري دايمًا

وليه أعيش أنا في عذاب

وأنا جاي من حيرتي أقول لك

يا إلهي دوري فين؟

عايز أعرف يوم بيوم

أمشي فين وأروح لمين

ليه أعيش مركون وعاجز

مش باعيش دايمًا معاك

وأنا جاي أنفض غُباري

وأحمل الراية وراك

وأحمل الراية وراك

العدد 2

فينا بصمة م القدير

فينا لمسة من إيديه

فينا قلب بحُبه حاسس

فينا روح تشتاق إليه

لينا فايدة؟ أيوه لينا

وعد قالهولنا فادينا

مخلوقين لأمر صالح

اتسبق واتعد لينا

دا احنا تاج كل الخليقة

في المكانة والمقام

يعني مش ممكن نعيش

الحياة كدا والسلام

حاشا يبقى موته عنا

له تمن بيضيع هباء

دا المسيح أعد لينا

خطة جاية م السما

خطة جاية م السما

1×