يا رئيس السلام
المؤلفون
الوسوم
يا رئيس السلام
يا رئيس السلام
يا ملك السلام
يا إله السلام
اغمرنا بسلامك
يا رئيس السلام
يا ملك السلام
يا إله السلام
بنستناك
تعال واهدي الحيارى
واللي تايه في الضلال
عشمانين زورنا زياره
ليله ما تخطر ع البال
حط إيدك علينا
وصالحنا يا فادينا
مع الله وخلينا
في سلام
ياللي وعدت انك تدينا
اللي عندك من سلام
العواصف هايجه علينا
رسينا لبر أمان
ناس كتيره تعبانين
في المرض متوجعين
بتقول هو الرب فين
في الآلام
الشعوب م الحرب عانت
زمن قل فيه الأمان
والكروب حوالينا زادت
فوضى في كل مكان
اطرح عنا كل خوف
طمنا عايزين نشوف
شخصك في كل الظروف
يا حنان
والبيوت اللي قسمها
إبليس عدو كل خير
ضمها ورجع سلامها
طالبينك وحدك لا غير
تعال إشفي القلوب
م الجروح وم العيوب
والبعيد خليه يتوب
بالإيمان
نتملي بسلام سماوي
ونعظم إسم المسيح
والتهليل يعلا له تاني
مع الشكر والتسبيح
هي ديَّه العلامه
ذبايح السلامه
مافيش تاني ملامه
مهما كان