غنّوا معايا يا شعب الرب

المؤلفون

فريق الحياة الأفضل (المرنم)
نبيل وصفي (المؤلف)
سامح روبيل (الملحن)

المواضيع

الشكر الفرح الصليب والفداء التسبيح - الهتاف نصرة - غلبة - حرية

آيات من الكتاب المقدس

غنّوا معايا يا شعب الرب

القرار

غنّوا معايا يا شعب

الرب.. تعالوا نرنّم ليه

خلّوا هتاف تسبيحنا يدوي..

ويعلن نصرنا فيه

وليوم مجيئه نكون..

شعبه اللي مستنيه

ومعاه هناك في سماه..

نفضل نرنّم ليه

العدد 1

قلبي بيهتف للي فداني..

بدمّه على الصليب

روحي وعقلي ويا لساني..

يعظّموا أغلى حبيب

بسجود وحمد وعود..

هامجّد اسمه وأعليه

وفي ليل زمان الغربة..

يفضل قلبي يرنّم ليه

العدد 2

وسط الحرب ووقت

الضيق.. أنا بارفع قلبي إليه

وعده يثبّت في إيماني..

يخليني أهتف ليه

دي قيود سجون وجيوش حروب..

نكسرها بالتسبيح

لما بيعلا هتاف إيماننا..

مجدًا للمسيح

العدد 3

مجد الرب في وسط كنيسته..

بنعلنه بالتسبيح

وبأصوات الحمد بنهتف..

علّوا اسم المسيح

رافعين صليب الرب..

ده إحنا بدمّه مفديين

غالبين جنود الشر باسمه..

ودايمًا منتصرين

1×