كل يوم تحت صليبك

كنت بافكّر دايماً فيك ياربّي وأجي لك

من غير خوف زي أبويا

عن أسراري وعن حكاياتي هناك باحكي لك

كنت كتير يا ربّي بافكّر

من دلوقتي وحتى أما أكبر

إني لا يمكن يوم هاتغيّر

وأنسى صليبك

كنت ف قلبي دايماً أصلّي

يفضل حبك في تملّي

ومافيش حاجة ف يوم تمنعني

إني أجي لك وأفضل أحكي لك

وأما كبرت ناديتك تاني

بس لقيت في إيدي ياربي قيود مانعاني

حزن وخوف مالي كياني

سجن خطية وحب وشهوة عالم فاني

وبقيت تاني يارب بافكّر

امتى أرجع لك وازاي هاقدر

أقعد زي ما كنت صغير

تحت صليبك

وبقيت تاني في قلبي باصلّي

إنك تغفر لي وتخلّي

شهوة قلبي وروحي تمـــلّي

إني أجي لك وافضل أحكي لك

وأما رجعت لقيتك حاني

بين أحضان الآب في الروح فرح يملاني

مسحت دموعي جدّدت كياني

باعترافات من عمق القلب ندم جواني

وإزاي بقى يا رب هاكافئك

على غفرانك وعلى رعايتك

هافضل طول الوقت أطاوعك

جوه طريقك

ويكون قلبي بيرنم لك

طول العمر هامجّد اسمك

أغلى ما عنده باقدم لك

لما أجي لك و افضل احكي لك