لا فندق و لا بيت

المؤلفون

مجموعة اصحاب (المرنم)
ماجد صبحي (المؤلف)
ماجد صبحي (الملحن)

المواضيع

ذبيحة الحب الرجاء الميلاد الخلاص

آيات من الكتاب المقدس

لا فندق و لا بيت

العدد 1

(لا فــــندق ولا بيت

ولا حـــد يستقبلك

ولا زينة وزغاريت

أو مجد يحق لــك)2

(مالقيتش ليك مكان

يا خــالق الأمـــاكن

من قبل الكون ما كان

عند الله أنت كائن)2

(وفي مزود كان

صريخ طفل اتولد بوعد

جيت غيّرت التاريخ

وقت ميلادك وبعد)2

(بقى لينا بيك رجاء

يا نور الدنيا ديه

يا ذبيحة الفداء من

عند الآب هدية)2

القرار

مذود مليان أغنام

بقى أحلى قصر فى مدينة

لو تسكن أي مكان

تديله كرامة عظيمة

كلماتي والأنغــــام

جايين يهدوك ترنيمـة

قلبي مش أد المقام لو

جيت تدّي له قيمة

العدد 2

والنهاردة عيد ميلادك

عيـــد رب الحيـــاة

أيوه هارضى إني

أقولها لك ادخل قلبي املاه

نوّرت العالم بتاعنا

جيت واديت لحيــــاتنا معنى

بعـــد ما في الخطية

وقعنا جيت لنا بالخلاص

جاي أقول لك آه تعالى

شرّف قلبي دا استحالة

أنســى حبك و الرسالة

هاقولها لكل الناس

ربنا اتكلم زمان

بالأنبياء وظهر وبان

بطرق كتيرة ودا

عشان يرشد ويعزّي الناس

بس لسه الله بيتكلم

وفي يسوع بيّن وعلّم

حب لينا وقلب

حنيّن بيقدّم خلاص

1×