ممتن لك
المؤلفون
(فنان)
(نص)
(موسيقى)
الوسوم
الشكر
الصليب والفداء
محبة الآب
نعمة الرب
دم المسيح
أمانة الرب
التسبيح
آيات من الكتاب المقدس
ممتن لك
العدد 1
(مُمتنّ لك ومافيش كلام
يوصف مشاعر الامتنان
والقلب فاض وسجد أمام
حُبَّك يا أبّ مليان حنان)2
القرار
(يا موسيقات الرُّوح خديني
قَدّمينــــي بتــشـــكُّــــرات
لمن فدى نفسي وسيبيني
أسكب له طيبي بتسبيحات)2
العدد 2
(مُمتنّ لك على الذَّبيح
اللّي اشتراني بدم الفدا
ونظم بصرخاته المديح
لروحيَ المتـعبَّــدة)2
العدد 3
(مُمتنّ لك على الأمانة
اللّي صنعتها مع حقارتي
سترتني بنعمة ومعونة
وأصلحت بالرَّحمة قيثارتي)2
العدد 4
(مُمتنّ لك على عمر عَدَّى
بكُلّ خير يملا حكايات
وف كُلّ واحدة منها في سندة
رفعتني لك بالتَّعزيات)2
العدد 5
(مُمتنّ لك على المحَبَّة
اللّي حضنتني بيها في رضاك
عرَّفت روحي تروح بطلبة
وتهيم بشوق ناحية لقاك)2
العدد 6
(مُمتنّ لك ودموعي حَمد
لمعانها عُرفَان بالجميل
تحتيها بسمة اتَّسعت بمجد
إله حنون مالهُوش مثيل)2
1×