مش ممكن يرتاح قلبك

المؤلفون

مهيب مخلوف (المرنم)
جرجس معوض (المؤلف)
جرجس معوض (الملحن)

المواضيع

التوبة والاعتراف الخضوع للرب رد المسلوب الرجوع إلى الرب البعد عن الرب

مش ممكن يرتاح قلبك

العدد 1

مش ممكن يرتاح قلبك

وإنت بعيد عن ربَّك

لو ربحت العالم كُلُّه

مش هيرَّيح قلبك

(كُلّ العالم باطل

كُلُّه قبض الرّيح)2

(ياللّي عايز يرتاح قلبك

تعالَ للــمــســيـــح)2

العدد 2

مهما تعمَّر في الدُّنيا

بكره لابُدّ تموت

إوعى الفرصة تضيع منَّك

إوعى الفرصة تفوت

(اسمع صوت إلهك

تعالَ للــمــســيـــح)2

(قُل له ارحمني أنا الخاطي

في لحظة تستريح)2

العدد 3

وإنت مسافر ع الأبديَّة

لابُدّ تكون ويَّاك

تذكرة السَّفر مختومة

بدمّ يسوع مولاك

(خدها منُّه الآن

لا يفوت الأوان)2

(ترجع تندم وتضيع منَّك

فرصة الغفران )2

العدد 4

ياللّي ف كورة بعيدة

بعد ما كنت أمير

ترجع تشتهي الخرنوب

اللّي بتاكله الخنازير

(كُلّ العالم فاني

كُلُّه أنين ودموع)2

(مش ممكن يشبع قلبك

غير الرَّبّ يسوع)2

1×