(وسط ظروف البــلد الدايرة

رايحة لفين أهي ماشية

وسايرة كل الناس قلقــانة وحايرة

وأنا متصان فيها ومتطمّن)2

(أنا متصان فيها ومتطمّن

أصل إلهي عليها مهيمن

يحصل مهما هيحصل فيها

أنا متشال في عينيه ومتأمّـــن)2

(أخبار قتل وموت وجريمة

والأمان بقى موضة قديمة

والإنسان أصبح بلا قيمة

وأنا بدم يسوع متمّن)2

(ضربة من ضربــاته زمــان

صارت الضلمة في كل مكان

وبيوت شعبه في نور وأمان

قلبه على شعبــه بيتحنن)2

(مين يمسكها ومين يرأسها

لو حتى هيعيد تأسيسها

مش هاشغل بالي ولا أدرسها

ولا هافضل أفكر وأخمّن)2

(هو بإيده ماسك الدفّة

وماعندوش أحداث بالصدفة

مهما عدو الخير يتخفّى

الترتيب من فوق متزمّـــن)2

(هو نوري وخلاصي لي

هو حصني ف طول ليالي

مين يأذيني ويقوى علي

لو حتى في هلاكي يفنن)2

(يعزل ملوك وينصّب غيرها

والأزمنة هو يغيّرها

لو قال كلمة مين يكسرها

واللي يفكّر يبقى اتجنــن)2

(بلدي مباركة ده صوته ووعده

وقت الضيق هيعدّي وبعده

جاي المجد بفرحة وسعده

واللي مصدّق وعده يأمّـــن)2