(عصفورك غرَّد في الغابة

وفي الليل صحَّى العود وربابة)2

فايض قلبي نغم وكتابة

لك ياربي لك ياربي

لك ياربي لأنك بابا

تغنيني أسبحلك وأشكر

في الفقر أتعبّد وأتذكر

تغنيني أسبحلك وأشكر

في الفقر أتعبّد وأتذكر

(إن السبب الأكبر عندي)2

في عبادتي هو إنك بابا

في الدمع بَاشوفك ليّ أقرَب

وكأن دموعي دي عدسات

في الدمع بَاشوفك ليّ أقرَب

وكأن دموعـــي دي عدسات

(ترميني في أحضانك يهرب)2

حزني في أول ما اصرخ بابا

في شفائي باقول إنك تقدر

وي مرضي بَأغردلك أكتر

في شفائي باقول إنك تقدر

وي مرضي بَأغردلك أكتر

(مش فاهم ليه ومش عايز أفهم)2

يكفيني أفهم إنك بابا

بَارتاح لمَّا بترتاح فيَّ

وأتعب لمَّا بَأخاف علي

بَارتاح لمَّا بترتاح فيَّ

وأتعب لمَّا بَأخاف علي

(راحتي في راحتك شيء خلاني)2

أهجر نفسي لحضنك بابا

بوعودك متعزّي كأنّي

ماسك في الوعد استجابات

بوعودك متعزّي كأنّي

ماسك في الوعد استجابات

(فرحي بوعدك ساوى إجابتك)2

أصل إيماني في كلمة بابا

الناس شايفه الناس من الخارج

أما الداخل مكشوف عندك

الناس شايفه الناس من الخارج

أما الداخل مكشوف عندك

(الخارج يفنى وأنا أتبارك)2

جوه في روحي بروحك بابا

المنظور بيقول دي رحايا

والإيمان بيقول يا عزايا

المنظور بيقول دي رحايا

والإيمان بيقول يا عزايا

(بكره مروَّح بلدي وبيتي)2

وهَأسكن مع يسوعي في بابا