ربّنا موجود

المؤلفون

مجموعة اصحاب (المرنم)
ماجد صبحي (المؤلف)
ماجد صبحي (الملحن)

المواضيع

طلب وجه الرب انتظار الرب الصليب والفداء الإيمان الثقة والثبات في الرب السلام وعود الرب اهتمام الله رد المسلوب

ربّنا موجود

القرار

(ربـــنـــا مـــوجــــود

إيده شـــغَّــالــــة وسطينا

أيوه لينا وعـــود

من إيديه يملا لنا إيدينا)2

العدد 1

لا مش منسيّين

هوَّ إله للتَّعبانين

حاسس بينا لو النَّاس مش حاسّين

بحـــنــانـــه يــجـــود

العدد 2

رامي الحمل باطيع

لمَّا سلامي في لحظة يضيع

يقدر ييجي حتَّى ف رابع هزيع

بــســـلامــه يــســود

العدد 3

شايف شعب كبير

ربّي ضامن له التَّغيير

يقدر يخلق ناس بحبّ قلبه كتير

مـــش بــــسّ داود

العدد 4

صوتي يرنّم ليه

ده أخد موتي وشاله عليه

للّي فداني هاغنّي أغاني ليه

بــــربـــابـــة وعــــــود

1×