دايماً واخد بالك مننا

وبتحرسنا وتأمّننا

إنت وجودك بيطمّننا

ويَّاك لا نخاف ولا نتهدّد

وعينيك طول العمر علينا

وحامينا وبتعتني بينا

وعشان إنت موجود فينا

الأحزان بتسيبنا وتبعد

عايز أقول لك كتَّر خيرك

ده مافيش زيَّك ومافيش غيرك

عايز أقولك كتَّر خيرك

يا يسوع يا حبيبي مافيش غيرك

دايماً بمحبَّة تعاملنا

مهما عملنا بتستحملنا

ياما كتير قوي عنَّك ملنا

وبننساك وإحنا ف تفكيرك

بتحبّني أكتر ما باحّبك

وأبعد بسّ مكاني ف قلبك

وأمَّا أرجع لك تفتح حضنك

أعند وأبعد وأرجع تغفر

شلت صليبي كأنُّه صليبك

وأنا لسَّه بأبعد وباسيبك

عايز أقدَّر إني حبيبك

خلّيني أبطّل أخون وأغدر