باقدر يا غالي ياربى يسوع

وقوفك معايا في وادي الدموع

باقدر وقوفك وسندة كفوفك

ونورك في ليلي وضي الشموع

باقدر يا غالي ياربي يسوع

دا كام مره شفتك اله الامانه

ما تقدرش تنكر في نفسك خصال

لكن جوه قلبي معشش خيانه

وكان جوه فكري طموحي وامال

فضلت تداري وشري تواري

مع اني في جهلي رفضتك كتير

لانك حبيبي وحبك طبيبي

ما قلتش لقلبي هترجع كسير

وجاني كلامك وجاب لي سلامك

وجيت باعترف لك وباسكب دموع

باقدر يا غالى ياربي يسوع

كثير كنت بعند واكسر كلامك

ما بفرقش عن سائر المخلوقات

باحكم في رايى واضيع سلامك

واخرة ارداتي خساره واهات

باحوش لنفسي واكوم لنفسي

ومش عارف اني باحوش نفايه

ولما وصلت لاخري في ياسي

صرخت يا ربى وقلت :كفايه

ما عدتش اسيبك هاثبت في ايدك

ويبقي مكانك دا جوه الضلوع

باقدر يا غالى ياربي يسوع

سنيني اللي فاتت مشيتها معايا

بتقنعني انك اماني الوحيد

وبهجه خلاصك بتملى سمايا

وبتقول لي انك معايا اكيد

بترحم غبائي شرودي وفراقي

وترجع تفكرني انك معايا

بحبك تحاصر وايدك تناصر

وصوتك يقول لي : انا ليك حمايه

وجيت بانحني لك واقدر جميلك

واقولك لك : حاوطني لاخر الرجوع

باقدر يا غالى ياربي يسوع