قولوا مبارك الآتي

باسم الرب وغنوا أوصنا

فهو الملك الآتي)2

(المجد لك يا محب البشر

المجد لك يا ربي يسوع المسيح)2

(قومي يا كنيسة الرب في وسطك

جبار للخلاص

استنيري أهو جالك مجدك

واعلنيه للناس)2

(خَدْ أسقامنا وشال أمراضنا

في جسده على الصليب

والأوجاع اتحمِّل عنا

عشان نفرح ونطيب)2

(ده الراعي اللي بيسأل فينا

مبشر المساكين

يشفي اللي انكسرت قلوبهم

ويرد التايهين)2

(شمس البر وأشرق لينا

وف جناحاته شفاء

والأوبئة ترحل والظلمة

ويطرد روح الداء)2

جال ولا زال يصنع خيراً فهو يسوع الخير

يشفي المتسلط عليهم ابليس الشرير

يربط القوي إللي مقيد في الشعب المسكين

ويرد المسلوب ونعيد بالنصرة فرحين

إيل شداي الرب القادر على كل الأشياء

يحي الموتى ويفضل ساهر لخلاص الأحياء

ليك مفاتيح الموت والهاوية وما عندك مُحال

إن قلت لشيء كن سيكون وكلماتك أفعال

قلت فكان أمرت فصار يا خالق الأكوان

تقدر تشفي بكلمة كل المنتظرين بإيمان

صوتك يحيي الموتى لأنك أنت هو الحياة

إحيينا وخرجنا من قبورنا يا ابن الله

حط إيديك عا المرضى اشفينا يا شمس الإبراء

واتحنن بالنعمة علينا غيرك مالنا رجاء

يامن حولت العقوبة لخلاص ولخيرات

وحولت اللعنة وبتحول توابعها لبركات

تفتح أعين العميان وتفك المأسور

وتفك المحبوس وتخرَّج م الظلمة للنور

لمست الأبرص طهرته إلمسني يا يسوع

وزي ما قبلت الخاطي غيرته توبنا بلا رجوع

قدامك ذهب الوباء وعند قدميك

خرجت الحمى والداء يهرب لما أناديك

قوة كانت تخرج منك وتشفي الجميع

وانت اليوم في وسطنا وعندك إحتياج القطيع

تخرج الأرواح النجسة وتخرج الشياطين

أمر بإسم الرب يسوع الأعظم في العالمين

سحقت رأس الحية و ستسحق الشيطان

تحت أرجلنا سريعاً يا صاحب السلطان

عظمت العمل معنا فصرنا فرحين

لما رديت سبي قلوبنا وصرنا كالحالمين

حولت النواح رقصات وحليت المسوح

ومنطقتنا بالترنيمات للأبد بالروح